რუსეთის საპარლამენტო არჩევნებში ხმათა 90%-ის დათვლის შემდეგ ოფიციალური შედეგების თანახმად, საკანონმდებლო ორგანოში 450-დან 300 ადგილს, სავარაუდოდ, „ერთიანი რუსეთის" მმართველი პარტია დაიკავებს. „რადიო თავისუფლების" ინგლისურენოვანი ბიუროს ინფორმაციით, ასეთი შედეგის შემთხვევაში, პარტია პარლამენტში 2-3-ით უმრავლესობით მოვა. 

რუსეთის ცესკოს წინასწარი შედეგების თანახმად, „ერთიანი რუსეთი" პარტიული სიით ხმათა 54,2%-ით იგებს. რაც შეეხება ერთმანდატიან საარჩევნო ოლქებს, წინასწარი შედეგებით, ხმათა ნახევრის დათვლის შემდეგ ვლინდება, რომ 225 საარჩევნო ოლქიდან 203-ში ასევე მმართველი პარტია ლიდერობს. 

5%-იანი ბარიერის გადალახვას მხოლოდ სამი პარტია ახერხებს და სამივე მათგანი კრემლის ერთგულია, მათ შორის - „კომუნისტური პარტია“ ხმათა 13,54%-ით, ულტრანაციონალური „ლიბერალ-დემოკრატების პარტია“ 13,28%-ით და „სამართლიანი რუსეთი“ ხმათა 6,19%-ით.

თუმცა, როგორც „რადიო თავისუფლების" ინგლისურენოვანი ბიურო იტყობინება, არჩევნები დაბალი აქტივობითა და დარღვევათა ჭარბი რაოდენობის ფონზე მიმდინარეობს.