განათლების მინისტრის თქმით, სახელმწიფო სწავლის პროცესის გახალისებისთვის კომპიუტერული თამაშების შექმნის იდეების დაფინანსებას გეგმავს. მისივე თქმით, ამ საკითხზე სამინისტრო ინოვაციების სააგენტოსთან ერთად მუშაობს.
„გვინდა, რომ იყოს მუდმივმოქმედი პროგრამა, რომელიც იდეებს სთხოვს ახალგაზრდებს და არამხოლოდ, რომ შემოიტანონ კომპიუტერულ თამაშებთან დაკავშირებული პროექტები. საერთაშორისო ბორდი გვინდა გაკეთდეს ისეთივე, როგორც ეს სტარტაპის პროგრამის ფარგლებში მოხდა. ეს ბორდი გამოარჩევს ყველაზე კარგ იდეებს და დააფინანსებს. „ვეფხისტყაოსნის“ თამაშისთვის კომერციული სპონსორი უკვე გვყავს და ამიტომ თამამად ვამბობ,რომ „ ვეფხისტყაოსნის“ კომპიუტერული თამაში შეიქმნება. მინდა, კომპიუტერული თამაშები ყველა საგანში გაჩნდეს. ზოგი გაპოპულარულდება, ზოგი ბანძი იქნება და არავინ ითამაშებს“ - განაცხადა მინისტრმა.
