„ახალი პოლიტიკური ცენტრი - გირჩის" ლიდერის, ზურაბ ჯაფარიძის თქმით, პაატა ბუჭულაძეს კოორდინატორებისთვის სახელფასო დავალიანება აქვს გადასახდელი, თუმცა მათ გადახდას არ აპირებს.
მისი თქმით, ბლოკში გაერთიანებით პარტიემბა როგორც ანაზღაურებების, ასევე ოფისთან დაკავშირებული ხარჯების საკითხის მოგვარება სცადეს, თუმცა დავალიანებების მთლიანად გასტუმრება შეუძლებელი აღმოჩნდა.
„ვცადეთ, მარტივი რაღაცის გაკეთება, რომ ჩვენი კოორდინატორების ხელფასები მათ კოორდინატორებზე გადანაწილებულიყო, თუმცა საბოლოოდ, ამ ადამიანს მთელი ფულის სახლში წაღება უნდა" - ამბობს ჯაფარიძე.
მისი თქმით, ბურჭულაძეს მხოლოდ ფინანსური დაინტერესება აქვს და ვარაუდობს, რომ იგი არჩევნების შემდეგ ქვეყანას დატოვებს.
„პაატა ბურჭულაძე - სახელმწიფო ხალხისთვის" ლიდერი პაატა ბურჭულაძე კი აცხადებს, რომ მან მთელი საქართველო შემოიარა და მხარდამჭერებს პარტიაში არსებული ვითარება აუხსნა.
„ჩვენს მხარდამჭერებს ვუთხარი, რომ არ გვაქვს საშუალება ვთხოვე, ვისაც შეეძლო, დარჩენილიყო. 8 ოქტომბერს არ მთავრდება ცხოვრება, პირიქით. ვინც ჩვენს გვერდში დარჩება, არ ვაწყენინებთ, შეძლებისდაგვარად ყველაფერს ავუნაზღაურებთ" - თქვა ბუჭულაძემ.