„მიუხედავად დაპირებებისა, რომ საარჩევნო უბნები იქნებოდა ადაპტირებული, რეალობა აბსოლუტურად სხვა დამხვდა.
ფაქტობრივად, ამიტანეს და შემიტანეს საარჩევნო უბანში. არც კაბინა იყო საჭიროებაზე მორგებული(მაღალი იყო) და პანდუსზე საერთოდ აღარაფერს ვამბობ - ამბობს თომა კაკაბაძე, რომელიც ეტლით სარგებლობს.
თომა კაკაბაძემ ხმა ხელვაჩაურის რაიონის, 24-ე საარჩევნო უბანზე დააფიქსირა.
ცენტრალური საარჩევნო კომისიის ინფორმაციით, 2016 წლის არჩევნებისთვის 1115 საარჩევნო უბანია ადაპტირებული. კონკრეტულად ხელვაჩაურში, სადაც თომა კაკაბაძემ დამოუკიდებლად ვერ შეძლო საარჩევნო უბანზე გადაადგილება, ცესკოს ვებგვერდზე განთავსებული სტატისტიკის მიხედვით, სულ 41 უბანშია პანდუსი.
ფოტო: „აჭარის ტელევიზია"
