პარლამენტი 150 დეპუტატისგან შედგება, მათგან 77-ს პროპორციული სისტემით ირჩევენ, ხოლო 73-ს – მაჟორიტარულით.

პირველ ტურში გამარჯვებული მხოლოდ 22 მაჟორიტარულ ოლქში გამოვლინდა. შესაბამისად, 51 ოლქში გამარჯვებული მაჟორიტარის გამოსავლენად მეორე ტური გაიმართება. 22-ვე გამარჯვებული მაჟორიტარი „ქართული ოცნების" წევრია.

რამდენ დეპუტატს შეიყვანს „ქართული ოცნება“ პარლამენტში მეორე ტურის გამართვის შემდეგ გადაწყდება. ამ ეტაპზე დათვლილი ხმების მიხედვით (99,92% დათვლილია) „ქართულ ოცნებას" პარლამენტში პროპორციული და მაჟორიტარული სისტემით ჯამში 70 დეპუტატი შეჰყავს.  (48+22)

პირველ ტურის შედეგებით 51 ოლქიდან 45-ში „ქართული ოცნების“ კანდიდატებმა მეორე ტურში გასულ კანდიდატებზე საშუალოდ 10%-20%-ით მეტი ხმა მიიღეს.

სულ რამდენიმეა ისეთი ოლქი, სადაც პირველ ტურის შედეგებით „ქართული ოცნების“ კანდიდატმა მეორე ტურში გასულ კანდიდატს სულ რამდენიმეპროცენტიანი უპირატესობით აჯობა (ქუთაისი, ზუგდიდი, ახალციხე, მცხეთა-მთიანეთი).

ასეთი სულ 3 ოლქია. ერთ ოლქში კი (მარნეული) „ქართული ოცნების“ კანდიდატზე მეტი ხმა პირველი ტურის შედეგებით ენმ-ის კანდიდატმა მიიღო. ასევე 43 ოლქში (ხაშური) “თოფაძე - მრეწველები, ჩვენი სამშობლო” კანდიდატმა სიმონ ნოზაძემ 31.96 % მიიღო, რაც 10% აღემატება "ქართული ოცნების" კანდიდატის მიერ მიღებულ ხმებს. „ქართული ოცნების“ კანდიდატზე მეტი ხმა პირველი ტურის შედეგებით ენმ-ის კანდიდატმა მიიღო ადიგენის ოლქშიც.

მარნეული 36-ე ოლქი

ენმ-ის კანდიდატი აკმამედ იმამკულიევი – „ერთიანი ნაციონალური მოძრაობა“ - 47,62%;

თამაზ ნავერიანი – „ქართული ოცნება-დემოკრატიული საქართველო“ - 43,66%.

მცხეთა მთიანეთი 37-ე ოლქი

დიმიტრი ხუნდაძე – „ქართული ოცნება - დემოკრატიული საქართველო" - 41.23% - (10 437 ხმა);

ცეზარ ჩოჩელი – დამოუკიდებელი კანდიდატი - 39,75% (10 062 ხმა).

ქუთაისი 49-ე ოლქი

„ქართული ოცნება“ - კობა ნარჩემაშვილი - 40.18%;

„ნაციონალური მოძრაობა“ - გიორგი წერეთელი - 37.46%.

ზუგდიდი 66-ე ოლქი

ედიშერ თოლორაია – „ქართული ოცნება“ - 46,75 %;

სანდრა რულოვსი – „ერთიანი ნაციონალური მოძრაობა“ - 46, 18 %.

ახალციხე/ადიგენი 44-ე ოლქი

დეპუტატი ვაჟა ჩიტაშვილი – „ერთიანი ნაციონალური მოძრაობა“ - 44,32%;

გიორგი კოპაძე – „ქართული ოცნება-დემოკრატიული საქართველო“  - 39,52%

საარჩევნო კოდექსისი მიხედვით, მაჟორიტარული არჩევნების მეორე ტურში ყველაზე მეტი ხმის მიმღები ორი კანდიდატი გადადის.

№43 ხაშური 

სიმონ ნოზაძე - “თოფაძე - მრეწველები, ჩვენი სამშობლო”  - 31.96 %

დეპუტატი ვალერი გელაშვილი – „ქართული ოცნება-დემოკრატიული საქართველო“; 20.11 %

როინ მახარობლიძე – „ერთიანი ნაციონალური მოძრაობა“ - 17.39 %

51 ოლქში  მეორე ტურში  გავიდნენ:

ქართული ოცნების 50 კანდიდატი;

3 დამოუკიდებელი კანდიდატი (სალომე ზურაბიშვილი-მთაწმინდა, ცეზარ ჩოჩელი - მცხეთა მთიანეთი, აკაკი ჩხაიძე- ლანჩხუთი).

„თოფაძე-მრეწველების” კანდიდატი - სიმონ ნოზაძე (ხაშური);

თავისუფალი დემოკრატების ორი კანდიდატი (ირაკლი ალასანია - გორი,  თეიმურაზ გაფრინდაშვილი - ჭიათურა); (ირაკლი ალსანიამ რამდენიმე წუთის წინ განაცხადა, რომ მეორე ტურში მონაწილეობას არ მიიღებს)

„ერთიანი ნაციონალური მოძრაობის” 45 კანდიდატი.

2016 წლის საპარლამენტო არჩევნების შედეგებით, ამ ეტაპისთვის, როცა ხმების 99.92%-ია დათვლილი, პროპორციული სიით პარლამენტში ორი პარტია შედის. „ქართულმა ოცნებამ" ხმების 48,6%, „ერთიანმა ნაციონალურმა მოძრაობამ" კი 27,14% მიიღო.

პარლამენტი 150 დეპუტატისგან შედგება, მათგან 77-ს პროპორციული სისტემით ირჩევენ, ხოლო 73-ს – მაჟორიტარულით.

ამ ეტაპისთვის მიღებული ხმების მიხედვით, „ქართულ ოცნება", სავარაუდოდ, პარტიაში პროპორციული სიით 48 დეპუტატს შეიყვანს. „ერთიანი ნაციონალური მოძრაობა" – 29-ს შეიყვანს.

რაც შეეხება მაჟორიტარული სიით არჩეულ დეპუტატებს: 73 მაჟორიტარული ოლქიდან ამ ეტაპზე დათვლილი ხმების მიხედვით პირველი ეტაპზე მხოლოდ 22 მაჟორიტარულ ოლქში გამოვლინდა გამარჯვებული. შესაბამისად, 51 ოლქში გამარჯვებული მაჟორიტარის გამოსავლენად მეორე ტური გაიმართება. 22-ვე გამარჯვებული მაჟორიტარი „ქართული ოცნების" წევრია. შესაბამისად, ამ მომენტისთვის არსებული ინფორმაციით, „ქართულ ოცნებას" პარლამენტში როგორც პროპორციული, ისე მაჟორიტარული სისტემით 70 დეპუტატი შეჰყავს.  51 მაჟორიტარის ბედი მეორე ტურში გადაწყდება.