თბილისის საქალაქო სასამართლოსთან მოქალაქეები მძიმედ ნაცემი ტრანსგენდერი ქალის მხარდასაჭერად შეიკრიბნენ. სასამართლოში ტრანსგენდერი ქალის განზრახ მკვლელობის მცდელობაში ბრალდებული პირის სასამართლო პროცესი იმართება.
გუშინ პროკურატურამ 2016 წლის 14 ოქტომბერს ტრანსგენდერ ქალზე თავდასხმაში ბრალდებული პირის მიმართ აღკვეთი ღონისძიების სახით პატიმრობის გამოყენების თაობაზე შუამდგომლობით თბილისის საქალაქო სასამართლოს მიმართა.
14 ოქტომბერს, ორთაჭალის ტერიტორიაზე ეჭვმიტანილი გ.მ. თავს დაესხა ტრანსგენდერ ქალს. მსხვერპლს მრავლობითი დაზიანებები აქვს მიყენებული თავისა და ყელის არეში. მისი ჯანმრთელობის მდგომარეობა ამ დრომდე მძიმეა და საავადმყოფოში მართვით სუნთქვაზე იმყოფება.
