2016 წლის 8 ოქტომბერს გამართული საპარლამენტო არჩევნების შედეგების მიხედვით, „ქართულმა ოცნებამ“ ხმების 48,65% მიიღო.

ამ შედეგების მიხედვით, პროპორციული სიით, პარლამენტში „ქართულმა ოცნებამ“ 44 მანდატი მიიღო. ასევე პირველ ტურში 23 მაჟორიტარული ოლქი მოიგო.

საპარლამენტო არჩევნების მეორე ტური 50 ოლქში გაიმართა. ცესკოს ვებგვერდზე გამოქვეყნებული მონაცემების მიხედვით,  „ქართული ოცნება“ 48 ოლქში დამაჯერებლად ლიდერობს. მათ შორის, მარნეულისა და ახალციხის ოლქებშიც, სადაც პირველი ტური „ნაციონალური მოძრაობის“ კანდიდატებმა მოიგეს.

თუ შედეგები ასე დარჩება „ქართულ ოცნებას" პარლამენტში 115 მანდატი ექნება.

2016 წლის საპარლამენტო არჩევნების მეორე ტური ჯამში 2 229 საარჩევნო უბანზე გაიმართა, მათ შორის, 9 გამონაკლის შემთხვევაში შექმნილი უბანია. ამომრჩეველთა საერთო რაოდენობა ჯამში 2 478 042-ია.