საპარლამენტო უმრავლესობის წევრის, ზაქარია ქუცნაშვილის ინფორმაციით, სამთავრობო ცვლილებებთან დაკავშირებით დაახლოებით 10-11 ნოემბრისთვის ყველაფერი ნათელი გახდება.
როგორც ჟურნალისტებს ზაქარია ქუცნაშვილმა განუცხადა, მანამდე "ქართული ოცნება" სამთავრობო და საპარლამენტო სტრუქტურების ფორმირების მიზნით კონსულტაციებს მართავს.
"ჩვენ გადავწყვიტეთ, რომ რამდენიმე დღე აქტიური კონსულტაციების, აქტიური თათბირის რეჟიმში გავხარჯოთ და ამის შემდეგ ვამცნოთ საზოგადოებას მიღებული გადაწყვეტილებების შინაარსი. სწორი გადაწყვეტილებების მიღებას სჭირდება გუნდის შიგნით კონსულტაციები, პოზიციების შეჯერება, საერთო კანდიდატურებზე შეთანხმება", - განაცხადა ზაქარია ქუცნაშვილმა.
