ახლად არჩეული დეპუტატის, მარიამ ჯაშის განცხადებით, მეცხრე მოწვევის პარლამენტში ქალთა წარმომადგენლობა პროცენტულად ყველაზე მაღალი იქნება. მისი შეფასებით, ეს უაღრესად მნიშვნელოვანია, რადგან საერთაშორისო გამოცდილება პირდაპირ აჩვენებს, რომ ქალთა პოლიტიკური ჩართულობა როგორც საკანონმდებლო, ასევე აღმასრულებელი ხელისუფლების დონეზე, ქვეყნის დემოკრატიული განვითარებისთვის უმნიშველოვანესია.
„ბუნებრივია, ვითანამშრომლებ კოლეგა ქალებთან, რათა როგორც გენდერული თანასწორობის, ასევე ქალთა უფლებების განხორციელების კუთხით საერთაშორისო რეკომენდაციები დარგობრივ პოლიტიკაში ინტეგრირებდეს“.
მარიამ ჯაში განათლების კუთხით გენდერულ პრობლემას გამოყოფს, რომელიც ადრეულ ქორწინებებს ეხება, განსაკუთრებით, ეთნიკურ უნცირესობებში.
„სწორედ ამ მიმართულებით ვფიქრობ, რომ ქალ პარლამენტარებს განსაკუთრებული როლი გვენიჭება.
რა თქმა უნდა, დედათა და ბავშვთა ჯანდაცვის კუთხით არის ტრადიციულად მნიშვნელოვანი მიმართულებები, რომელიც ჩემთვის განსაკუთრებით საყურადღებო იქნება“.
