„პატრიოტთა ალიანსის" ლიდერის, პარლამენტის ვიცე-სპიკერის, ირმა ინაშვილის განცხადებით, კულტურის მინისტრი მიხეილ გიორგაძე, ასევე გარემოს დაცვის მინისტრი გიგლა აგულაშვილი სისხლის სამართლის პასუხისგებაში უნდა მისცენ საყდრისის გამო, ასევე ხე-ტყის მასობრივი გაჩეხვისთვის, რაც ქვეყანაში მიმდინარეობს.
ინაშვილის თქმით, „პატრიოტთა ალიანსს“ მწვავე შეკითხვები მიხეილ გიორგაძესთან სწორედ საყდრისთან დაკავშირებით ექნება და „ალიანსი” გეგმავს, რომ კომიტეტზე მინისტრების მოსმენისას აღნიშნულ საკითხზე მწვავედ ისაუბროს და ფაქტები დაასახელოს.
რაც შეეხება გიგლა აგულაშვილს, ინაშვილი მასთან ხე-ტყის მასობრივ ჭრაზე გეგმავს მრავალი შეკითხვის დასმას.
პარლამენტში რამდენიმე კომიტეტის გაერთიანებული სხდომა მიმდინარეობს, სადაც მინისტრობის კანდიდატებს უსმენენ.
