როგორც "ლიბერალს" შინაგან საქმეთა სამინისტროში განუცხადეს, წუხელ, თამარ მეფის გამზირზე გვიან ღამით მომხდარი თავდასხმის გამო, საქმის გამოძიება სისხლის სამართლის 125-ე მუხლით დაიწყო, რაც ცემას გულისხმობს. 

შეგახსენებთ, რომ წუხელ, თბილისში კიდევ ერთ ტანსგენდერ ქალს, ნატას დაესხნენ თავს. მას ტრამვები სახის არეში აღენიშნება, მოტეხილი აქვს ცხვირი, ნატა საავადმყოფოდან ამ დილით გამოწერეს.

როგორც ჩვენთან საუბარში ყვება, მასთან ორი უცნობი ადამიანი მოვიდა, და იკითხა კიდევ ერთი ტრანსგენდერი ქალი, რომელსაც გინებით მოიხსენიებდნენ. მას შემდეგ რაც ნატა ვერ დაეხმარა ამ ქალის მოძებნაში, მამაკაცები მას ფიზიკურად გაუსწორდნენ: "მცემდნენ და მაგინებდნენ, მიყვიროდნენ რომ უნდა მოვმკდარიყავი, რადგან დავიბადე ასეთი, რადგან ვარ ტრანსგენდერი" - გვიყვება ნატა.

მისი თქმით, მან გამოიძახა პოლიცია, რომლებიც მოვიდნენ, თუმცა თავდამსხმელები უკვე წასულები იყვნენ და მათი დაკავება ვერ შეძლეს.

ამ საკითხთან დაკავშირებით მიმდინარეობს საგამოძიებო მოქმედები და დეტალებს მაშინვე განცნობებთ, როგორც კი რაიმე გაირკვევა - გვითხრეს სამინისტროში.