რუსეთის ელჩმა, ვიტალი ჩურკინმა გაეროში განაცხადა, რომ ვრცელდება არასწორი ინფორმაცია ალეპოში უდანაშაულო მოსახლეობის დახოცვის შესახებ. მისი თქმით, ის, რომ ქალები და ბავშვები სირიის მთავრობამ დახოცა, უნდა იყოს დადასტურებული.
„მე ვნახე და დარწმუნებული ვარ, რომ ზოგიერთი ინფორმაცია არის სიცრუე. თქვენ იცით, როგორ იქმნება ასეთი ინფორმაცია, ბავშვებს აყრიან მტვერს, თითქოს ისინი დაბომბვას ემსხვერპლნენ. ეს საშინელი ცნობებია, რომელსაც სჭირდება დადასტურება. ჩემს პრაქტიკაში, უფრო მშვიდ პერიოდში, 1990-იან წლებში იქმნებოდა ასეთი ყალბი ინფორმაცია, გარკვეული ფსიქოლოგიური კლიმატისთვის. ბევრჯერ მოხდა ეს სირიაშიც. ესაა საზარელი ცნობები და სულაც არ ნიშნავს იმას, რომ სიმართლეა“ -განაცხადა ჩურკინმა.
