„მაესტროს“ ერთ-ერთი მეწილე მამუკა ღლონტი მიიჩნევს, რომ რეალურად ტელეკომპანია GDS-ის მფლობელი ყიდულობს როგორც იმედს, ასევე მაესტროს, და ამას ირაკლი რუხაძის ხელით აკეთებს. „იმედის" მიერ „მაესტროს" და „ჯიდიესის" შესყიდვა კი იურიდიული ფორმალობაა.
„სამწუხაროდ ჩემი წილი ვერ წყვეტს ვერაფერს", - ამბობს ღლონტი. ის ტელეკომპანია „მაესტროს“ 15%-ის მფლობელია.
როგორც „ლიბერალისთვის“ გახდა ცნობილი, ტელეკომპანია „იმედი" „მაესტროსა" და GDS-ს ყიდულობს. სავარაუდოდ, შეიქმნება ერთიანი მედიაჰოლდინგი, რასაც თითოეულ არხზე რეორგანიზაცია მოჰყვება.
ოფიციალურ განცხადებას წილების შეძენასთან დაკავშირებით, ტელეკომპანია „იმედის" ხელმძღვანელობა, სავარაუდოდ, დღეს გააკეთებს.
