საქართველო მზად არის რუსულ მხარეს შავ ზღავში ჩამოვარდნილი რუსული თვითმფრინავის ტუ-154-ის მსხვრეპლთა მოსაძებნად დახმარება გაუწიოს, თუმცა რუსულ მხარეს არ მოუმართავს შესაბამისი თხოვნით. ამის შესახებ ზურაბ აბაშიძემ „რია ნოვოსტისთან” ისაუბრა.
"რუსულ მხარეს ასეთი თხოვნით არ მოუმართავს. ჰუმანიტარული დახმარების აღმოჩენა ნებისმიერი სახელმწიფოს ვალდებულებაა. ჩვენ გავქვს გამოცდილება, შარშან ყაზბეგის მეწყერის დროს დაიკარგნენ ადამიანები და შესაბამისი სამსახურები მონაწილეობდნენ ყაზბეგის რაიონში მთებში დაკარგული ადამიანების მოსაძებნად. როდესაც არსებობს აუცილებლობა, შესაბამისი სამსახურები ერთვებიან. თუმცა, ვიმეორებ, ამ შემთხვევაში ჩვენთვის ასეთი თხოვნით არ მოუმართავთ”, - განაცხადა აბაშიძემ.
