თავდაცვის მინისტრ ლევან იზორიას თქმით, „კრწანისის" ბაზაზე რამდენიმე პირის შეჭრის მცდელობის მოტივი ცალსახად ქურდობა იყო.
მისი თქმით, გამოძება აქტიურად მიმდინარეობს და საქმის არსებითი განხილვა მალე დაიწყება. როგორც მან განმარტა, ექსპერტიზა 25 დეკემბერს ჩატარდა.
თავდაცვის სამინისტროს ინფორმაციით, ცენტრ ”კრწანისის” ტერიტორიაზე უცხო პირებმა სცადეს შეჭრა. ისინი არ დაემორჩილნენ განწესში მყოფი გუშაგის სიტყვიერ გაფრთხილებას და თავს დაესხნენ მას, რის შემდეგაც გუშაგმა წესდებით გათვალისწინებული მოქმედებები განახორციელა და ცენტრის ტერიტორიაზე შეჭრის ფაქტი აღკვეთა.
თავდაცვის სამინისტროს სამხედრო პოლიციის დეპარტამენტის თანამშრომლებმა, ცენტრის მიმდებარე ტერიტორიის დათვალიერებისას, ერთ-ერთი თავდამსხმელის ცხედარი აღმოაჩინეს