სააპელაციო სასამართლომ გიგი უგულავას სარჩელი ნაწილობრივ დააკმაყოფილა და პატიმრობის ვადა შეუმცირა. პატიმრობის ვადად მას ვადად 1 წელი და 9 თვე განესაზღვრა, თუმცა, ამნისტიის შესახებ კანონით, საბოლოო მას თავისუფლების 1 წლით, 3 თვითა და 22 დღით პატიმრობა აქვს მისჯილი.
უგულავას პატიმრობის ვადის ათვლა 2015 წლის 18 სექტემბრიდან მოხდება.
სასამართლომ გადაწყვეტილება ცოტა ხნის წინ გამოაცხადა.
უგულავასა და დავით კეზერაშვილს ბრალი „თბილსერვის ჯგუფში" პარტიის აქტივისტების დასაქმებით სახელმწიფოს კუთვნილი თანხების გაფლანგვასა და რიყის პარკის ტერიტორიის გასხვისებაში ედებოდა.
პირველ ნაწილში თბილისის საქალაქო სასამართლომ უგულავას 4 წლითა და 6 თვით თავისუფლების აღკვეთა მიუსაჯა, ხოლო მეორე ნაწილში, რომელიც უკანონო შემოსავლების ლეგალიზაციას ეხება, გაამართლა.
