„ნაციონალური მოძრაობის" ფრაქციის თავმჯდომარე რომან გოცირიძე იქნება - ამის შესახებ ინფორმაცია გოცირიძემ IPN-ს თავად დაუდასტურა. 

მისი განმარტებით, ფრაქციის სიას პარლამენტში დღეს წარადგენენ და მის შემადგენლობაში მასთან ერთად ნიკა მელია, თინათინ ბოკუჩავა, კობა ნაყოფია, სალომე სამადაშვილი და აზერ სულეიმანოვი იქნებიან. 

13 იანვარს ცნობილი გახდა, რომ საპარლამენტო უმცირესობაში შემავალ ფრაქციებს სახელები შეეცვლება -  ფრაქცია „ნაციონალური მოძრაობა - საქართველოს წინსვლისთვის", რომელსაც ელენე ხოშტარია ხელმძღვანელობს, ამიერიდან „ევროპული სახელმწიფო უკეთესი მომავლისთვის" იქნება.

რაც შეეხება ფრაქციას - „ერთიანი ნაციონალური მოძრაობა", მას „ევროპული საქართველო" ეწოდება და სერგო რატიანი უხელმძღვანელებს. 

„ნაციონალური მოძრაობა" საპარლამენტო უმცირესობის 21-მა დეპუტატმა დატოვა.