კარგი იქნება, თუკი ახლა რუსეთიც ადგება და ევროპის ჯინაზე ისიც გააუქმებს ვიზებს, - ამის შესახებ საინფორმაციო სააგენტო „ინტერპრესნიუსს“ პარლამენტის წევრმა ემზარ კვიციანმა განუცხადა, რომელიც კოლეგებთან ერთად, ვიზალიბერალიზაციასთან დაკავშირებით პარლამენტში გამართულ მიღებაში მონაწილეობდა.
„გადაწყვეტილებას პოზიტიურად ვაფასებ. მე მას ტაში დავუკარი და გამიხარდა. გამიხარდა ის, რომ ბავშვები, მშობლებთან ათეული წლები სკაიპით რომ საუბრობენ და მშობლებისათვის სკაიპთან რომ იზრდებიან, დაბრუნდებიან და სამუშაოდ უკან წასვლას შეძლებენ. თუკი ეს ასე იქნება, ესე იგი, ყველაფერი კარგად იქნება. კარგი იქნება, თუკი ახლა რუსეთიც ადგება და ევროპის ჯინაზე ისიც გააუქმებს ვიზებს. ეს ძალიან მაგარი იქნება. ვიქნებით საერთოდ ირგვლივ თავისუფალი - სადაც გინდა წადი და მოდი. მიხარია!“, - განუცხადა „ინტერპრესნიუსს“ ემზარ კვიციანმა.
აღსანიშნავია, რომ უვიზო რეჟიმი არ შეეხება ევროკავშირის/შენგენის წევრ სახელმწიფოებში გრძელვადიან ვიზიტებს განათლების მიღების, მუშაობის ან სხვა მიზნით;
ევროპარლამენტმა საქართველოს ვიზალიბერალიზაციას მხარი დაუჭირა
