სასამართლო რეფორმასთან დაკავშირებულ საკანონმდებლო ცვლილებებთან დაკავშირებით პრეზიდენტის ადმინისტრაციაში დაგეგმილ შეხვედრას საპარლამენტო უმრავლესობის წარმომადგენლები არ დაესწრებიან.
შეხვედრას, რომელიც 11:00 საათზეა ჩანიშნული, საპარლამენტო ოპოზიციის წარმომადგენლები და არასამთავრობო ორგანიზაციები დაესწრებიან.
საქართველოს პრეზიდენტმა გიორგი მარგველაშვილმა ვეტო დაადო სასამართლო რეფორმასთან დაკავშირებულ საკანონმდებლო პაკეტს, რომელიც პარლამენტმა პრეზიდენტს ხელმოსაწერად 10 იანვარს გადაუგზავნა.
