ამ წუთებში საზოგადოებრივი მაუწყებლის წინ გადაცემა "რეალური სივრცის" მხარდასაჭერი აქცია იმართება.
ტელევიზიის წინ შეკრებილებს მიმართა გადაცემის წამყვანმა ნინო ზაუტაშვილმა, მისი თქმით, ის საბრძოლო განწყობაზეა:
"მადლობას მოგახსენებთ მთელი გუნდის სახელით. ყველამ უნდა გავაცნობიეროთ, რომ ეს გადაცემა მე კი არ მჭირდება, არამედ ყველა ჩვენგანისთვის საჭიროა, ამიტომ გთხოვთ ვიყოთ ყურადღებით, ხვალ 12 საათზე გაირკვევა რა რეჟიმში ვიმუშავებთ თქვენთვის. ვარ სრულიად საბრძოლო განწყობზე, რათა "რეალური სივრცემ" გააგრძელოს საქმიანობა". - თქვა ნინო ზაუტაშვილმა.
შეგახსენებთ, რომ ხვალ 12 საათზე, "საზოგადოებრივი მაუწყებლის" გენარალური დირექტორი მედიას შეხვდება და ტელევიზიის მომავალთან დაკავშირებით საკუთარ ხედვას წარუდგენს. ორი დღის წინ კი ვასილ მაღლაფერიძემ ფეისბუქის საკუთარ გვერდზე დაწერა, რომ გადაცემების დახურვა არ იგეგმება.
