„საზოგადოებრივი მაუწყებლის" ვეგბვერდზე ტელეკომპანიის 2017-2019 წლის გარდაქმნისა და განვითარების სამწლიანი სამოქმედო გეგმა გამოქვეყნდა. გეგმაში საუბარია ტელევიზიაში დასაქმებულთა მძიმე შრომით პირობებსა და ამორტიზებულ შენობაზე, სადაც შეუძლებელია უსაფრთხოების, მათ შორის, სახანძრო ნორმების დაცვა.
გეგმაში წერია, რომ ყოველდღიურად ნადგურდება ისტორიული ღირებულების მქონე ვიდეო, აუდიო და ფოტოარქივი, რადგან არ ხდება მასალების ციფრულ მატარებელზე გადატანა; საზოგადოებრივ მაუწყებელს არ აქვს არც ერთი რეგიონული ოფისი. ბიუჯეტი არაა ორიენტირებული განვითარებაზე, მაგალითად მოყვანილია ტელევიზიის 2006-2016 წლის ბიუჯეტი, რომელიც 410 მილიონი ლარია; ტექნიკაზე იხარჯება ბიუჯეტის 3%, ხელფასებსა და მივლინებებზე 60%, სხვა დანახარჯებია 37%;
ტელევიზიის განვითარების 3-წლიანი გეგმის მიხედვით, იგეგმება:
- ახალი შენობის მოწყობა და თანამშრომლებისთვის ღირსებული სამუშაო პირობების შექმნა.
- 9 რეგიონული ოფისის შექმნა და აღჭურვა;
- მულტიმედიური საინფორმაციო სამსახურის შექმნა;
- ტექნიკური და ტექნოლოგიური გადაიარაღება;
- თანამედროვე ტექნოლოგიებით შექმნილი ვებგვერდის გაკეთება;
- არქივის გაციფვრა;
- მართვის ახალი მოდელის დამკვიდრება;
