„ჩვენ გადავწყვიტეთ, წელს, ოქტომბერში, როცა გაიმართება ადგილობრივი თვითმმართველობის არჩევნები, გავმართოთ რეფერენდუმი და საქართველოს მოსახლეობამ გასცეს პასუხი შეკითხვას, უნდა ისჯებოდეს თუ არა ამ ქვეყანაში ნარკოტიკების მოხმარება?" - ამის შესახებ „გირჩის" ლიდერმა ზაურაბ ჯაფარიძემ დღეს გამართულ ბრიფინგზე განაცხადა.
მისი თქმით, „გირჩი" შესაბამისი საკითხის რეგისტრირებისთვის განცხადებით ცესკოს მიმართავს.
მარიხუანის მოხმარებისთვის პატიმრობას 69% არ ემხრობა, ინექციური ნარკოტიკისთვის - 55%
„მას შემდეგ, რაც შეკითხვა დარეგისტრირდება ცესკოში, დავიწყებთ ხელმოწერების შეგროვებას და შევაგროვებთ 200 000 ხელმოწერას. საბოლოოდ, შემოდგომაზე, ადგილობრივი თვითმმართველობის არჩევნებთან ერთად გავმართავთ რეფერენდუმს, და საქართველოს მოსახლეობამ თავად გადაწყვიტოს, უნდა ისჯებოდეს თუ არა ნარკოტიკების მოხმარებისთვის ადამიანი, უნდა თუ არა საქართველოს მოსახლეობას, რომ ხარჯავდეს წელიწადში 15-დან 18 მლნ-მდე პოლიციაზე იმისთვის, რომ მათ სდიონ საქართველოს მოქალაქეებს და წელიწადში 50 000 ადამიანს მიაყენონ შეურაცხყოფა, შეულახონ ღირსება, წაიყვანონ და მოაშარდინონ. უნდათ თუ არა, რომ მათი შვილები ცხოვრობდნენ მუდმივი შიშს ქვეშ, რომ მათ პოლიცია ჩაუდებს რაიმე ნარკოტიკს და შემდეგ დააშანტაჟებს, გამოსძალავს თანხას" - თქვა ჯაფარიძემ.
