საქართველოს ჯანდაცვის მინისტრის, დავით სერგეენკოს თქმით, „ფრესკოსთან“ დაკავშირებული ინფორმაცია „არც ერთმა თანამშრომელმა არ დაადასტურა".
თუკი შრომითი დავა წარმოიშვება, მიმართონ ჯანდაცვის სამინისტროს და არ გაავრცელონ ინფორმაცია სოცქსელის საშუალებით. - ამბობს მინისტრი.
მისი თქმით, „ადამიანებს ჰგონიათ, რომ ინსპექცია ჯადოსნური ჯოხია, რომელიც საკითხს მოაგვარებს. შრომის უსაფრთხოებას 6-ეშელონიანი სისტემა აქვს და ინსპექცია ერთ-ერთი საფეხურია. ყველაფერს თავისი წესი და რიგი აქვს. და ეს არ არის ჩენი მოგონილი. დარგის ექსპერტებთან არის შეთანხმებული".
ინსპექციამ ანონიმური ზარის საფუძველზე რომ დაიწყოს ობიექტებზე სიარული, წარმოუდგენელია. - ამბობს მინისტრი.
სერგეენკო განმარტავს, რომ „ინსპექცია სასამართლოს ვერ ჩაანაცვლებს. ვინმეს თუ ინდივიდუალური შრომითი დავა აქვს, უნდა მიმართოს სასამართლოს, თუ კოლექტიური, - სამინისტროს.
ჯანდაცვის სამინისტროს შრომის ინსპექციის დეპარტამენტის უფროსის, ლევან ჟორჟოლიანის თქმით, მონიტორები გუშინ „ფრესკოს“ ქსელის მხოლოდ ერთ მაღაზიაში რამდენიმე საათის განმავლობაში იმყოფებოდნენ.
