„საქართველოს პატრიოტთა ალიანსის“ ლიდერებმა დავით თარხან-მოურავმა და ირმა ინაშვილმა პარლამენტში ბრიფინგი გამართეს. ისინი მოითხოვენ, ცვლილება შევიდეს იუსტიციის მინისტრის მიერ გამოცემულ ნორმატიულ აქტში და მოქალაქეებს მიეცეთ არჩევანის უფლება, აიღონ ე.წ. „ჩიპიანი“ პირადობის მოწმობა თუ ქაღალდის პირადობის მოწმობა. როგორც დავით თარხან-მოურავმა განაცხადა, საკითხი თბილისის საქალაქო სასამართლოში გაასაჩივრეს და სასამართლო გადაწყვეტილებას 28 თებერვალს გამოაცხადებს.

„საქართველოს მოქმედი კანიონმდებლობა არ ავალებულებს მოქალაქეებს აიღონ ე.წ. „ჩიპიანი“ პირადობის მოწმობა, მაგრამ იუსტიციის მინისტრის მიერ გამოცემული ნორმატიული აქტი, ფაქტობრივად, ავალდებულებს საქართველოს მოქალაქეებს, რომ აიღონ „ჩიპიანი“ პირადობის მოწმობა, ამიტომ ჩვენ საქალაქო სასამართლოში ვასაჩივრებთ ამას. ფაქტობრივად, წინააღმდეგობაა იუსტიციის მინისტრის ბრძანებასა და მოქმედ კანონს შორის. მოვითხოვთ, ცვლილება შევიდეს იუსტიციის მინისტრის მიერ გამოცემულ ნორმატიულ აქტში და მოქალაქეებს მიეცეთ არჩევანის უფლება, აიღონ პირადობის მოწმობა ელექტრონული მატარებლით თუ აიღონ ჩვეულებრივი, ქაღალდის პირადობის მოწმობა“,- განაცხადა დავით თარხან-მოურავმა.