ლეონიძის ქუჩაზე ტარნსგენერ ქალსა და გეი მამაკაცს ჰომოფობიურ ნიადაგზე თავს დაესხნენ - ამის შესახებ „ლიბერალს" ორგანიზაცია „თემიდას" აღმასრულებელმა დირექტორმა კობა ბიწაძემ უთხრა. 

ტრანსგენდერი ქალი „ლიბერალთან" საუბარში ამბობს, რომ სავარაუდოდ ნასვამ მდგომარეობაში მყოფმა პირებმა მათ ჰომოფობიური მოტივით სიტყვიერი შეურაცხყოფა მიაყენეს, თუმცა ფიზიკურ ძალადობას ადგილი არ ჰქონია, რადგან პოლიციაში დარეკეს.

„მაღაზიიდან გამოვედით, პროდუქტები გვეჭირა. მაღაზიის გვერდით 3 მთვრალი მამაკაცი იდგა, რაღაც მოგვაძახეს, მაგრამ ყურადღება არ მივაქციეთ. მეორე მხრიდან ერთი მამაკაცი მოვიდა, 2 ლარი გვთხოვა, სასმელზე გვაკლდებაო და გადაგვეხვია. როცა ჩემმა მეგობარმა გაწევა სთხოვა, შენ ვინ ხარ, გინდა აქ გაგორაოო?! - გვითხრა. იმ სამმა ადამიანმა, ზემოთ რომ იდგნენ, ჰომოფობიურ ნიადაგზე შეურაცხყოფა მოგვაყენეს და ერთმა ტელეფონის სროლა სცადა. გვერდზე მდგომებმა შეაჩერეს, თორემ გვესროდა, გვაგინეს. 112-ში რომ დავიწყე რეკვა, გაიპარნენ" - ამბობს ტრანსგენდერი ქალი.

მისივე განმარტებით, ადგილზე პოლიციის თანამშრომლები იმყოფებიან, რომელთაც შესაბამისი ოქმი შეადგინეს.