ქიბარ ხალვაშის თქმით, ის თანახმაა ტელეკომპანია "რუსთავი 2-ის" 50 %-ი გადასცეს ჯარჯი აქიმიძეს და დავით დვალს, თუმცა როგორც ხალვაში აღნიშნავს, ეს პირობა მისთვის მისაღები იქნება თუ მასთან ერთად სხვა პირობებიც შესრულდება. 

"სასამართლო პროცესების დასრულების შემდეგ, როცა კომპანია გადმომეცემა მე ჩემს კუთვნის წილებს გავუნაწილებ დვალს და აქიმიძე. 50 %-ი 50 %-ზე მისაღებია სხვა პირობებთან ერთად" - ხალვაშსს არ დაუკონკრეტებია თუ რა იგულისხმა სხვა პირობებში. 

"დვალსა და აქიმიძეს რა უდევს გულში არ ვიცი, მაგრამ მე რასაც ვამბობ იმას ვცდილობ რომ შევასრულო.50 %-ს სხვა რამეც მოჰყვება. როცა მე ინვესტორი ვარ და შენ პარტნიორი ხარ, მე უნდა ვხარჯო ფული, შენ მენეჯერი იყო და ხელფასი აიღო, ეგ ეგრე არ გამოვა, მე მჭირდება გარანტიები რომ როცა შენ ტელევიზია გადმოგეცემა არ მიყიდი ტელევიზიას ვინმეს და არ დამტოვებ ვიღაცასთან პირისპირ" - განაცხადა ქიბარ ხალვაშმა ტელეკომპანია "იმედის" ეთერში. 

შეგახსენებთ, რომ გუშინ სტრასბურგის სასამართლომ „რუსთავი 2-ის" საქმეზე უზენაესი სასამართლოს გადაწყვეტილების აღსრულება 8 მარტამდე შეაჩერა.