ბათუმის საქალაქო სასამართლომ გუშინ პოლიციასთან მოქალაქეების დაპირისპირების დროს დაკავებული ლაშა დეკანოიძე ადმინისტრაციული სამართალდარღვევათა კოდექსის 166-ე და 173-ე მუხლების დარღვევისთვის სამართალდამრღვევად ცნო, სასჯელის ზომად კი 5 დღეღამით ადმინისტრაციული პატიმრობა მიუსაჯა.
დეკანოიძემ სასამართლო სხდომაზე თავი სამართალდამრღვევად აღიარა. მან აღნიშნა, რომ პოლიციასთან დაპირისპირების დროს არაფხიზელ მდგომარეობაში იმყოფებოდა.
მისივე განმარტებით, მისი ყურადღება აალებულმა მანქანებმა მიიპყრო, რადგან "ქართველი კაცია".
როგორც ის აღნიშნავს, დემონსტრანტებისგან შეიტყო, რომ აჭარის პოლიციის დეპარტამენტის უფროსმა კახა ბუხრაძემ მოქალაქეები "თათრებად" მოიხსენია, რამაც მისი აგრესიული ქცევის პროვოცირება გამოიწვია