საპატრიარქოს იურისტის, ედიშერ ქარჩავას განცხადებით, სოსო ოხანაშვილი ერთ-ერთი მთავარი ეჭვმიტანილია. ამის შესახებ ადვოკატმა გაზეთ „კვირის პალიტრასთან“ მიცემულ ინტერვიუში განაცხადა. 

„ყველას დაკითხვაზე ინფორმაცია არ მაქვს, მაგრამ ის პირი, ვისთანაც მამა გიორგის ახლო ურთიერთობა და კონტაქტი ჰქონდა, გამოძიებამ უკვე დაკითხა. დაცვის უფროსი მყავს მხედველობაში. ამ საქმეში ერთ-ერთი მთავარი ეჭვმიტანილი, ვისთანაც მას ახლო ურთიერთობა ჰქონდა, არის სოსო ოხანაშვილი. ის ტელევიზიითაც საუბრობდა საშიშროებაზე, რომ შესაძლოა დააკავონ“, - განაცხადა ედიშერ ქარჩავამ.  

მისი თქმით, ძირითადად დაიკითხა მამა გიორგის თანამშრომელები, 6-7 პირი. საპატრიარქოს იურისტის განცხადებით, სოსო ოხანაშვილსა და თეთრუაშვილს არანაირი დაპირისპირება არ ჰქონიათ და ეს ყველაფერი მიმართულია შორენა თეთრუაშვილის დისკრედიტაციისკენ.