პროკურორი არჩილ ტყეშელაშვილი გაზეთ „კვირის პალიტრასთან“ აცხადებს, რომ გერმანიაში გამგზავრებამდე დეკანოზი გიორგი მამალაძე წავიდა ბათუმში და ბანკიდან 30 000 ლარი გამოიტანა. ამის შემდეგ ის აღარ დაკავშირებია ირაკლი მამალაძეს.
„დადგენილია, რომ გერმანიაში გამგზავრების წინ გიორგი მამალაძე მიდის ბათუმში, სადაც ბანკიდან გამოაქვს სესხი - 30 000 ლარი, ამის შემდეგ ის აღარ დაკავშირებია ირაკლი მამალაძეს. ბრალდებულს დაკავებისას აღმოაჩნდა 4500 ევრო და 500 აშშ დოლარი, რაც 14000 ლარის ეკვივალენტია, ხოლო სხვაობა გამგზავრებამდე გახარჯა. ვის გადაუხადა ეს თანხა და ვისგან შეიძინა ციანიდი მამალაძემ, ამაზე გამოძიება მუშაობს“, - აცხადებს პროკურორი არჩილ ტყეშელაშვილი.