დეკანოზ გიორგი მამალაძის ადვოკატ მიხეილ რამიშვილის თქმით, ბრალდებულმა კრედიტი გერმანიაში გასამგზავრებლად აიღო. 

მისი განმარტებით, იმაზე საუბარი, რომ ვინმეს უნდა გადმოეგზავნა ფული ციანიდის შესაძენად, აბსურდია.

„თუ კრედიტი აიღო ადამიანმა, ეს თანხა წასასვლელად იყო. კრედიტის აღება მგონი დანაშაული არ არის" - თქვა ადვოკატმა. 

პროკურორ არჩილ ტყეშელაშვილის ინფორმაციით, გამოძებამ დაადგინა, რომ გერმანიაში გამგზავრების წინ გიორგი მამალაძემ 30 000 ლარი სესხი გამოიტანა. მისი თქმით, დაკავებისას მამალაძეს 4500 ევრო და 500 აშშ დოლარი აღმოუჩინეს, სხვაობა კი გამგზავრებამდე გახარჯა. იგი აღნიშნავს, რომ გამოძიება ცდილობს დაადგინოს, თუ ვისგან შეიძინა დეკანოზმა ციანიდი. 

მატროსოვის ციხეში დეკანოზ გიორგი მამალაძის დაკითხვა განახლდა.