სასამართლომ „რუსთავი 2-ის“ გენერალური დირექტორის, ნიკა გვარამიას ცემისთვის ლევან გაჩეჩილაძის შვილს, რატი გაჩეჩილაძეს  ჯარიმა შეუფარდა. თბილისის საქალაქო სასამართლოს გადაწყვეტილებით, გაჩეჩილაძემ 3 100 ლარი უნდა გადაიხადოს. რატი გაჩეჩილაძე პატიმრობაში გატარებული დღეებისთვის დაკისრებულ ჯარიმაზე 100 ლარით ნაკლებს გადაიხდის.

7 იანვარს თბილისში, ერთ-ერთ რესტორანში ტელეკომპანია „რუსთავი 2-ის” გენერალურ დირექტორს, ნიკა გვარამიას თავს დაესხა ლევან გაჩეჩილაძის შვილი, რატი გაჩეჩილაძე.

შინაგან საქმეთა სამინისტრომ გამოძიება საქართველოს სსკ-ს 126-ე მუხლის 1-ლი ნაწილით დაიწყო.
მუხლი ითალისწინებს  ცემას ან სხვაგვარ ძალადობას, რამაც დაზარალებულის ფიზიკური ან ფსიქიკური ტანჯვა გამოიწვია. აღნიშნული ქმედება ისჯება თავისუფლების შეზღუდვით ვადით ორ წლამდე ან თავისუფლების აღკვეთით ვადით ერთიდან სამ წლამდე.