თბილისის საქალაქო სასამართლომ პროკურატურის შუამდგომლობა დააკმაყოფილა და დეკანოზი გიორგი მამალაძე წინასწარ პატიმრობაში დატოვა.
დეკანოზ მამალაძის ადვოკატები თავიანთი დაცვის ქვეშ მყოფის წინასწარი პატიმრობიდან გათავისუფლებას 20 ათასი ლარის გირაოს სანაცვლოდ ითხოვდნენ, თუმცა მოსამართლემ პროკურატურის შუამდგომლობა დააკმაყოფილა.
თბილისის საქალაქო სასამართლოში დეკანოზ გიორგი მამალაძისთვის აღკვეთის ღონისძიების საქმეზე მსჯელობენ. პროკურატურამ სასამართლოს პროცესის დახურვის შუამდგომლობით მიმართა, ვინაიდან ბრალდების მხარის მტკიცებით, დღევანდელ სხდომაზე საიდუმლო მასალები უნდა ყოფილიყო წარდგენილი, შედეგად თბილისის საქალაქო სასამართლომ მამალაძისთვის აღკვეთის ღონისძიების მიზანშეწონილობის საკითხზე პროცესი ნაწილობრივ დახურა.
