შინაგან საქმეთა სამინისტროს ინფორმაციით, 2016 წელს საქართველოში 35 997 რეგისტრირებული დანაშაული დაფიქსირდა (ყველა საგამოძიებო უწყების მიერ). რეგისტრირებული დანაშაულიდან კი 20 661 გაიხსნა, რაც დანაშაულთა 57,4 %-ს შეადგენს.
რეგისტრირებული დანაშაულებიდან სისხლის სამართლის კოდექსით გათვალისწინებული დანაშაულებში პირველ ადგილზეა დანაშაული საკუთრების წინააღმდეგ (37%), შემდეგ კი ნარკოტიკული დანაშაული მოდის (14%).
შსს-ს ინფორმაციით, 2015 წელთან შედარებით, რეგისტრირებული დანაშაულებიდან მოიმატა ქურდობის, ოჯახში ძალადობის, ნარკოტიკების შეძენა-შენახვა-გასაღების, კომპიუტერულ სისტემაში უნებართვოდ შეღწევამ, ცივი იარაღის ტარების და მკვლელობის დანაშაულმა.
აღსანიშნავია, რომ 2015 წელთან შედარებით გაორმაგებულია კომპიუტერულ სისტემაში უნებართვოდ შეღწევის რეგისტრირებული მაშვენებელი. თუ 2015 წელს, სამართალდამცველებმა კომპიუტერულ სისტემაში უნებართვოდ შეღწევის 240 შემთხვევა დააფიქსირეს, 2016 წელს იგივე დანაშაულის 500 შემთხვევა დაფიქსირდა.
