დღეს იურიდიულ საკითხთა კომიტეტის სხდომაზე შეთანხმდნენ, რომ მართვის მოწმობისთვის მინიჭებული ქულათა სისტემა 1 ივლისიდან ამოქმედდება.
ქულათა სისტემა მიენიჭება როგორც საქართველოში, ასევე უცხო ქვეყანაში გაცემულ მართვის მოწმობებს.
განხილვის პროცესში ცვლილება განიცადა ქულათა სისტემამ - რიგი საგზაო დარღვევების შემთხვევაში ჩამოსაკლები ქულის ოდენობა გაიზარდა, ზოგიერთ დარღვევაზე კი შემცირდა. მაგ: ავტომობილის მართვისას მობილურის გამოყენებაზე 15 ქულა 10 ქულამდე შემცირდა, ხოლო წითელზე გავლის შემთხვევისას 10 ქულიდან 15-მდე გაიზარდა. თუ ქულები განულდება, მაშინ მართვის მოწმობის მფლობელს მართვის უფლება 1 წლით შეუჩერდება და მას თავიდან მოუწევს გამოცდის ჩაბარება და მართვის მოწმობის აღება.
შს მინისტრის მოადგილემ შალვა ხუციშვილმა განაცხადა, რომ 1 ივლისამდე პერიოდში საინფორმაციო კამპანიას წარმართავენ.
