ესპანეთის ეროვნული პოლიციის ვებგვერდზე გამოქვეყნებული ინფორმაციის მიხედვით, ესპანეთის პოლიციამ საქართველოს 17 მოქალაქე დააკავა. ესპანეთში დაკავებულ ქართველებს სამართალდამცველები ქურდობასა და ყაჩაღობას ედავებიან.
აღნიშნულს ადასტურებენ შსს-შიც. საქართველოს შინაგან საქმეთა სამინისტროს წარმომადგენელმა „ლიბერალს“ განუცხადა, რომ საქართველოს 17 მოქალაქე ესპანურმა პოლიციამ 3-4 თვის წინ ჩატარებული საპოლიციო ღონისძიების ფარგლებში ინდივიდუალურად დააკავა. როგორც შსს-ში ამბობენ, ეს იყო საპოლიციო თანამშრომლობა და პროცესში ესპანეთში საქართველოს ატაშეც აქტიურად იყო ჩართული.