დღეს საკრებულოში თბილისის მერიის აუტიზმის მქონე ბავშვთა რეაბილიტაციის ქვეპროგრამაში მოსალოდნელი ცვლილებების შესახებ მერიის ჯანდაცვისა და სოციალური მომსახურების საქალაქო სამსახურის უფროსმა, გელა ჩივიაშვილმა და საკრებულოს ჯანმრთელობის დაცვისა და სოციალურ საკითხთა კომისიის თავმჯდომარემ, ირაკლი ფავლენიშვილი პრესკონფერენცია გამართეს
მოსალოდნელი ცვლილებების მიხედვით:
- პროგრამაში დარეგისტრირებულ პირებს დაემატებიან ბავშვები, რომელთა პირველადი რეგისტრაციის ადგილი თბილისია, უკვე ხდებიან 2 წლის და საჭიროებენ აუტიზმის აბილიტაციის პროგრამას;
- პროგრამაში დარეგისტრირებულ პირებს ასევე დაემატებიან თბილისში რაიონების მიხედვით შეცვლილი რეგისტრაციის მქონე ბავშები;
- მოცდის პერიოდი თბილისში რეგისტრაციიდან შემცირდება და 2 წლის ნაცვლად, განისაზღვრება 1 წლით (აპრილის მონაცემებით, სერვისის მომლოდინეთა სიაში 69 ბავშვია).
„ეს არის იმის მაქსიმუმი ცვლილება, რისი გაკეთებაც შეუძლია თბილისის მერიას და ძალიან მნიშვნელოვანია, რეგიონებში ამ პროგრამის გატანის ადვოკატირება, რაშიც ჩართულია ჯანდაცვის სამინისტრო. ჩვენც აქტიურად ჩავერთვებით და აუცილებლად ჩაერთვებიან აუტიზმის თემში მოღვაწე არასამთავრობო ორგანიზაციები“, - განაცხადა გელა ჩივიაშვილმა.
თბილისის მერიის ინფორმაციით, ამ ეტაპზე წლის ბიუჯეტი 2 000 000 ლარით არის განსაზღვრული. აღნიშნული ცვლილებების პროექტი საკრებულოს წარედგინება განსახილველად