ქუთაისის შემოვლით გზაზე მომხდარ ავტოსაგზაო შემთხვევას ხუთი ადამიანის სიცოცხლე ემსხვერპლა. როგორც „ლიბერალს“ შსს-ში განუცხადეს, ავტოსაგზაო შემთხვევისას ერთმანეთს სამი ავტომობილი შეეჯახა. შემთხვევა გუშინ, გვიან ღამით მოხდა.
მათივე ცნობით, მომხდარზე გამოძიება სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
