საქალაქო სასამართლოში ე.წ „ფოტოგრაფების საქმის“ არსებითი განხილვა მიმდინარეობს. დღეს პროკურატურის მთავარი მოწმეები იკითხებიან.
„მზად ვარ, სასამართლოს ვუპასუხო ყველა იმ შეკითხვაზე, რაც ჩემ მიმართ ექნება. მზად ვარ, დეტალურად ვისაუბრო იმ მორალურ ზეწოლაზე, რომელსაც ჩემს წინააღმდეგ მიმართავდა დევნოზაშვილ და რომლითაც ჩემგან მიიღო იძულებითი აღიარებითი ჩვენება. ის მემუქრებოდა ჩემი საოჯახო კომპიუტერიდან ამოღებული მეუღლის მიერ გადაღებული ჩემივე ფოტოთი, რომ ის გახდებოდა საჯარო და ამ ფოტოს გამო აუცილებლად შერცხვებოდათ ჩემს შვილებს”, - განუცხადა ფოტოგრაფების საქმის ერთ-ერთმა დაზარალებულმა, ნათია გედენიძემ, ჟურნალისტებს სასამართლო პროცესის დაწყებამდე.
ფოტოგრაფების საქმე პროკურატურამ 2016 წელს გახსნა. საქმეზე დაკავებულია კონტრდაზვერვის უფროსის ყოფილი მოადგილე, დავით დევნოზაშვილი. სასჯელაღსრულების გლდანის მერვე დაწესებულების ყოფილი დირექტორი, ალექსანდრე მუხაძე, კი წითელი ცირკულარით იძებნება.
