პარლამენტის თავმჯდომარე საკონსტიტუციო ცვლილებების პროექტთან დაკავშირებით ამ წუთებში ბრიფინგს მართავს. ირაკლი კობახიძემ ჟურნალისტებთან შეხვედრის დასაწყისში საკონსტიტუციო კომისიის მუშაობა შეაფასა და კონსტიტუციის სხვადასხვა მუხლში შესულ ცვლილებებზე ისაუბრა. ასევე ხაზგასმით ისაუბრა სოციალური სახელმწიფოს პრინციპზე და აღნიშნა, რომ კონსტიტუციის ახალ რედაქციაში სახელმწიფოს სოციალური პასუხისმგებლობა ადამიანების მიმართ მკაფიოდ არის გაწერილი.
„სოციალურ სახელმწიფოს რაც შეეხება, ამაზე მინდა განმარტების გაკეთება. არასწორი ინტერპრეტაცია მიეცა ამ პრინციპს; მკაფიო ნორმატიული დატვირთა აქვს ამ მუხლს. ჩვენ ბრალიც კი დაგვდეს, თითქოს ვაყალიბებთ სოციალისტურ საქართველოს; რაც არანაირ კავშირში არაა სოციალური სახელმწიფოს პრინციპითან, რომელიც იდეოლოგიურად ნეიტრალური პრინციპია, მეტსაც გეტყვით, გერმანიაში განვითარდა ეს პრინციპი და ამის განვითარების ინიციატორები იყვნენ მემარჯვენე პოლიტიკოსები. მნიშვნელოვანი იყო ის, რომ სახელმწიფოს სოციალური პასუხისმგებლობა ადამიანების მიმართ მკაფიოდ არის გაწერილი ახალ რედაქციაში და ეს ყველაფერი შესაბამის პრაქტიკაზე აისახება;" - განაცხადა პარლამენტის თავმჯდომარემ.