„ეს არის ნახანძრალი ხეები, როცა რამდენიმე წლის წინ, ზაფხულში, ბალახს გაუჩნდა ცეცხლი და რამდენიმე ხე დაიწვა. სირცხვილია მათი ასეთი ქცევა, როცა ისევ დეზინფორმაციებით ცდილობენ, საზოგადოება შეცდომაში შეიყვანონ. უკეთესი იქნება, ჯერ საკითხში გაერკვნენ, მოგვისმინონ ჩვენ და მერე გააკეთონ განცხადებები. კიდევ უფრო უკეთესი იქნება საერთოდ, ბარს მოჰკიდონ ხელი და ჩვენთან ერთად გაამწვანონ ჩვენი ქალაქი, დარგონ რაც შეიძლება მეტი ხე. თუ ასე შესტკივათ გული ჩვენს ქალაქზე და მის გამწვანებაზე, გაამწვანონ”, - ასე გამოეხმაურა ქალაქის მერი ლისის ტბის მიმდებარედ ტყეში ხანძრის ხელოვნურად გაჩენის შესახებ განცხადებებს.
ოპოზიციური პარტიების წარმომადგენლების ინფორმაციით, ლისის ტბის მიმდებარედ, ტყეში ხანძარი ხელოვნურადაა გაჩენილი. მათი განმარტებით, ხეებს კონკრეტული ბიზნესინტერესების გამო ანადგურებენ.
