კეთილმოწყობის სამსახურის ინფორმაციით, პეკინის ქუჩის სრული რეაბილიტაცია იგეგმება. მათი თქმით, ძველი ასფალტის საფარის ნაცვლად დაიგება ახალი, ორფენიანი საფარი, მოეწყობა ტროტუარები და ბორდიურები.
სამსახურში აცხადებენ, რომ სამუშაოები 2 თვის განმავლობაში გაგრძელდება და 15 სექტემბრისთვის დასრულდება.
„ამჟამად მიმდინარეობს სატენდერო დოკუმენტაციის მომზადების სამუშაოები. გათვალისწინებულია ის, რომ სამუშაოები უნდა დაიწყოს ზაფხულის იმ მონაკვეთში, როდესაც სკოლებსა და ბაღებში არდადეგები დაიწყება და ავტომობილების ნაკადიც შედარებით შემცირდება. ქუჩა მთლიანად არ გადაიკეტება, რაღაც პერიოდი ერთი ზოლი გადაიკეტება და შემდეგ მეორე", - აცხადებენ კეთილმოწყობის სამსახურში.