ამ წუთებში თბილისის საქალაქო სასამართლოში დეკანოზ გიორგი მამალაძის პროცესის განხილვა მიმდინარეობს. პროცესის დაწყებისას პროკურორმა შუამდგომლობის დაყენებამდე სხდომის დახურვა მოითხოვა. მოსამართლემ პროკურორის მოთხოვნა არ დააკმაყოფილა, შესაბამისად, პროკურორი პირველ შუამდგომლობას ღია სხდომაზე აყენებს. პროკურორის თქმით, თუკი ყველა მოისმენს ბრალდების მტკიცებულებებს, მოწმეთა ჩვენებებს და გამოძიების ვერსიებს, შესაძლოა, გამოძიებას ხელი შეეშალოს.
„ქვეყნის მოსახლეობის უდიდესი ნაწილი მართლმადიდებელია და თუ დეკანოზის საქმეში მათთვის უსიამოვნო ფაქტებს მოისმენენ, ამან შესაძლოა შფოთი შეიტანოს საზოგადოებაში" - განაცხადა პროკურორმა სხდომაზე.
