ჩრდილო კორეა აშშ-სა და სამხრეთ კორეას კიმ ჩენ ინის მკვლელობის მცდელობაში ადანაშაულებს. როგორც BBC წერს, ჩრდილო კორეის ადგილობრივი მედიის ინფორმაციით, ტერორისტული ჯგუფი, რომელსაც ამერიკის ცენტრალური სადაზვერვო (CIA) და სამხრეთ კორეის სადაზვერვო სააგენტოები უჭერენ მხარს, ქვეყანაში შევიდა. მათი თქმით, ტერორისტული ჯგუფი ბიო-ქიმიური ნივთიერებით აპირებს კიმ ჩენ ინის მოკვლას. მედიით გავრცელებულ განცხადებაში ნათქვამია, რომ ჩრდილო კორეის ხელისუფლება იპოვის დამნაშავეებს და „უმოწყალოდ დასჯის“ მათ.
