NDI-ის აპრილის კვლევის თანახმად, მოსახლეობის 38% მიიჩნევს, რომ უვიზო მიმოსვლა მათ სარგებელს არ მოუტანს. საპირისპირო მოსაზრება აქვს მოსახლეობის 51%-ს. 

78% ფიქრობს, რომ მიუხედავად უზივო მიმოსვლის შესაძლებლობისა, რიგითი ადამიანები ამას ფინანსურად ვერ გასწვდებიან. ამ მოსაზრებას არ ეთანხმება 14%. 

მოსაზრებას, რომ ევროკავშირის ქვეყნებთან უვიზო მიმოსვლა ქართული მენტალიტეტის დაკარგვას გამოიწვევს, 26% ეთანხმება, 60% კი არ ეთანხმება. 

22%-ის აზრით, უვიზო მიმოსვლის შემდეგ საქართველო ეროვნულ იდენტობას დაკარგავს, რასაც არ იზიარებს 65%. 

NDI-ის 2017 წლის აპრილის საზოგადოებრივი აზრის კვლევის თანახმად, მოსახლეობის 80%-სთვის მისაღებია მთავრობის გაცხადებული მიზანი, საქართველო ევროკავშირის წევრი გახდეს. 

მოსახლეობის 65% ევროკავშირში გაწევრების მომხრეა, 21% კი - ევრაზიულ კავშირში. 

NDI-ს საკვლევი პერიოდი 7 – 28 აპრილს მოიცავდა. კვლევის ფარგლებში 2,493 ინტერვიუ ჩატარდა.  წარმომადგენლობითი შერჩევა ქვეყნის მასშტაბით  ჩატარდა(ოკუპირებული ტერიტორიების გარდა). საშუალო ცდომილების ზღვარი არის +/- 2.7%