NDI-ის 2017 წლის აპრილის საზოგადოებრივი აზრის კვლევის თანახმად, გამოკითხულთა 42% მიიჩნევს, რომ საბჭოთა კავშირის დაშლა საქართველოსთვის ცუდი მოვლენა იყო.

გამოკითხულთა 48% მიიჩნევს, რომ საბჭოთა კავშირის დაშლა საქართველოსთვის კარგი მოვლენა იყო. კითხვაზე პასუხი კი გამოკითხულთა 10%-ს არ ჰქონდა.

კვლევის თანახმად,  იმ ადამიანთა უმეტესობა, ვინც მიიჩნევს, რომ საბჭოთა კავშირის დაშლა ცუდი მოვლენა იყო, მაინც უჭერს მხარს საქართველოს ევროკავშირში გაწევრებას.

 NDI-ს საკვლევი პერიოდი 7 – 28 აპრილს მოიცავდა. კვლევის ფარგლებში 2,493 ინტერვიუ ჩატარდა.  წარმომადგენლობითი შერჩევა ქვეყნის მასშტაბით  ჩატარდა(ოკუპირებული ტერიტორიების გარდა). საშუალო ცდომილების ზღვარი არის +/- 2.7%.