ევროსაბჭომ უკრაინაში რუსული სოციალური ქსელების აკრძალვას სიტყვის თავისუფლების წინააღმდეგ მიმართული ქმედება უწოდა.
ევროსაბჭოს გენერალურმა მდივანმა ტურბერნ იაგლანდმა განაცხადა: „სოციალური ქსელებისა და საძიებო სისტემების აკრძალვა ეწინააღმდეგება სიტყვისა და გამოხატვის თავისუფლების დემოკრატიულ ღირებულებებს, მეტიც ასეთი რადიკალური ქმედება პროპორციულობის პრინციპსაც კი არღვევს“.
აღნიშნული კომენტარი ევროსაბჭოს პრესსამსახურზე დაყრდნობით „ინტერფაქსმა“ გაავრცელა.
პეტრე პოროშენკოს ბრძანებით, უკრაინაში რუსულ ინტერნეტ-საიტებსა და სოციალურ ქსელებზე აკრძალვა კიდევ სამი წელი გაგრძელდება. გადაწყვეტილება ძალაში 17 მაისს შევიდა.
