შინაგან საქმეთა სამინისტრო ლაშა თორდიასა და ოთარ ფარცხალაძეს შორის მომხდარი დაპირისპირების საქმეზე შუალედურ ანგარიშს აქვეყნებს.
„საქმეზე მაქსიმალურად შემჭიდროებულ ვადებში ჩატარდა ყველა საგამოძიებო მოქმედება. გამოიკითხა ინციდენტში მონაწილე პირები და თვითმხილველები. ამოღებულია ყველა მნიშვნელოვანი მტკიცებულება. დანიშნულია საჭირო ექსპერტიზები. გამოძიების მიერ ასევე მოპოვებულია ინციდენტის ამსახველი ვიდეომასალა“, - განაცხადეს შსს-ში გამართულ საგანგებო ბრიფინგზე.