მეუფე პეტრე ცაავა,სავარაუდოდ, აქტიურად იყო ჩართული პატრიარქის მოკვლის მცდელობაში, - ამის შესახებ საზოგადოებრივ მაუწყებელს საპატრიარქოს იურისტმა, ედიშერ ქარჩავამ განუცხადა.
საპატრიარქოს იურისტის განცხადებით, მეუფე პეტრეს თანამზრახველების სახელებსა და გვარებს ვერ დაასახელებს, თუმცა მისი თქმით, მისი ერთ-ერთი თანამზრახველი გიორგი მამალაძეა.
„ვასახელებ მეუფე პეტრეს, რომ მას სურვილი ჰქონდა, რომ პატრიარქი მოეკლა. მეუფე პეტრე, სავარაუდოდ, აქტიურად იყო ჩართული პატრიარქის მოკვლის მცდელობაში. რაც შეეხება მის თანამზრახველებს, კონკრეტულ სახელებსა და გვარებს ვერ დავასახელებ, თუმცა ერთ-ერთი ახლა ციხეშია. საუბარია გიორგი მამალაძეზე“, - განაცხადა ედიშერ ქარჩავამ.
