NATO-ს საპარლამენტო ასამბლეამ საქართველოს ევროატლანტიკურ სივრცეში ინტეგრაციის მხარდამჭერი დეკლარაცია მიიღო. დოკუმენტის მიხედვით, საქართველო NATO-ს წევრი MAP-ის მეშვეობით გახდება. NATO-ს საპარლამენტო ასამბლეა მოუწოდებს ჩრდილოატლანტიკური ალიანსის მთავრობებსა და პარლამენტებს, რომ კვლავ მტკიცედ დაუჭირონ მხარი საქართველოს NATO-სთან ინტეგრაციის პროცესში, პოლიტიკურად და პრაქტიკულად.
„ასამბლეა ხაზს უსვამს, რომ საქართველოს ურთიერთობა ალიანსთან მოიცავს ყველა პრაქტიკულ ინსტრუმენტს საბოლოო გაწევრებისთვის მოსამზადებლად, ითვალისწინებს მოკავშირე ლიდერების პოზიციას, რომ საქართველო გახდება NATO-ს წევრი, ამ პროცესის შემადგენელი ნაწილის - წევრობის სამოქმედო გეგმის მეშვეობით“, - წერია დეკლარაციაში.
NATO-ს სგაზაფხულო სესია თბილისში პირველად გაიმართა, საქართველო მეხუთე არაწევრი ქვეყანაა, სადაც სესია იმართება