„ჩემმა კოლეგებმაც დააზუსტეს. ეს ადმიანი იყო უსაფრთხოების სამსახურის უფროსი ამავე დროს, თუმცა ჟურნალისტური გამოძიებების ავტორიც არის და შესაბამისად ორივე როლი ჰქონდა და ჟურნალისტი იყო" - ამის შესახებ განათლების მინისტრმა, ვიცეპრემიერმა ალექსანდრე ჟეჯელავამ ჟურნალისტებთან საუბრისას განაცხადა.
ჯეჯელავამ გუშინ არასამთავრობო ორგანიზაციებს მოუწოდა, გადაემოწმებინათ, იყო თუ არა აფგან მუხთარლი ჟურნალისტი.
აფგან მუხთარლის აზერბაიჯანის სასამართლომ სამთვიანი წინასწარპი პატიმრობა შეუფარდა.
აზერბაიჯანის პროკურატურამ ჟურნალისტ აფგან მუხთარლის ბრალი სამართალდამცავებისათვის წინააღმდეგობის გაწევის, საზღვრის უკანონო კვეთისა და კონტრაბანდის ბრალდებით წაუყენა.
აფგან მუხთარლი, რომელიც საქართველოში გაუჩინარდა, ამჟამად ბაქოშია დაკავებული. მისი თქმით, თბილისიდან მის გატაცებაში ქართული სპეცსამსახურებიც მონაწილეობდნენ.
ადვოკატების თქმით, ჟურნალისტი ნაცემია და მას სავარაუდოდ ნეკნი აქვს გატეხილი.
საქართველოს შსს გამოძიებას თავისუფლების უკანონოდ აღკვეთის მუხლით აწარმოებს.